خايف تاخدك الأيام

للشاعر : محمد ضباشه

خايف تاخدك الأيام
وحبى ينطفى جواك
وتنسى قلب يوم حبك
وتشترى اللى نسيوا هواك
وتسيب الشمعه سهرانه
تبكى على ذكراك
وعلى أحلى أيام
شافتها عيونى معاك
والقلب ما يلاقى خله
ويقفل ببانه وراك
وعذاب بعدك يسهرنى
وساعة اللقا تنساك
ساعتها هبيع عمرى
وأجى أحتمى فى حماك
وأرمى حته من قلبك
هى اللى دوقتنى قساك
وخلت القلب خايف
لتنسى قلوب عشقاك
تتمنى فى يوم وصلك
وبتحلم ينولها رضاك
لو ناوى خلاص تهرب
حبى لزومه أيه وياك