======= انا ايه =======
انا ايه 
انا التايه
ما بين احلامى وجراحى 
ما بين شجرة بتنسى الضل 
وناس بتضل 
باشوف بلدى بتهرب
بالقمر وتفل
انا الزارع حصاده 
كل يوم بيقل 
انا المنسى فى كل دفاتر البكرة 
انا الهامش 
ناسينى الكل 
ويوم الحرب باكون فى القرب 
انا الطير من غير عش 
انا اللى سرقوا منى حتى الوش 
ملامحى كلها غش
انا اللى من يومى متعرى 
عشان غير متغطى 
انا اللى الخوف دخل جوفى 
سرق حلمى 
وساب العضم فى رصيفى 
انا ايه 
انا السارح على كل الدروب 
بانادى 
كان فيه وطن ساكن فى القلوب 
=============
محمدعبدالمقصودداود