آخر قرار
---------
--------------------------------------------
علشان عشقت يكون دا حالي غلبت فيه 
لو كنت أعرف من زمان ما جريت عليه 
والقلب كنت مليته قسوه وعشت بيه 
-
غلطان لأني عشقت مره وحالي حال 
غلطان عشان سلمت قلبي وعقلي مال 
لكن دا ذنبي واللي يحصل هاارتضيه 
-
الطيبه يمكن والحنان هما السبب 
ولا يكونش ملوش أمان ودا شيء عجب 
ولا دا طبع وكل طبع وسره فيه 
-
ولايكونش عشان أمين الكل خان 
الصدق أصله معدش ليه فـ الكون مكان 
ليه بس نغدر باللي يعشق قولي ليه 
-
آخر قرار ومعدش غيره كلام أخير 
جربت حظي فـ المحبه كتير كتير 
والطبع واحد والخداع شيء بنلاقيه 
-
بعد اللي شفته فـ المحبه خلاص رضيت 
الوحده أهون عندي منها خلاص نويت 
قررت إني الحب عمري ما اروح إليه
---------------------------------------
------------------------------------
بقلمي ..... هشام عوض محمد 
السبت ..... 18-07-2015م
-------------------------------