(((((سعاد)))))
-----------------------

محمودعمارالزلبانى
زغرتى يا أم حمدى
مرتب بعلنا زاد
وبقيت مرات الأفندى
والعريس جانا لسعاد
ــــــــــــــــــــــــــــــــ
مرتب ينقبض بالفيزة
والعيشة أخر تمام
كل شهر ينقص بريزة
وعلى وشك ربط الحزام
ــــــــــــــــــــــــــــــــــــــ
الفقر عارف صحابه
لوغابوا عنه يناديهم
يا دوبك سطر ف كتابه
توهم حتى ف ناديهم
ــــــــــــــــــــــــــــــــ
وعيش البطاقة يا خاله
مكشر فى وش الزباين
مع إن كله نخاله
العجن بس اللى باين
ــــــــــــــــــــــــــــــــــ
عريس لزقة وحلنجي
قبل ما نسمى نلاقيه
يا رب سلم ونجى
مكبر منفض إيديه
ـــــــــــــــــــــــــــــ
البنت كرهت قدومه
تشوفه تقلب قورتها
لو شمت ريحة هدومه
تجيب اللى كلته ساعتها
ـــــــــــــــــــــــــــــــــــــ
البنت قالت لأبوها
إوعاك تميل لى بختي
مع إن كتير طلبوها
دا ليه ف البحر يختي
ـــــــــــــــــــــــــــــــــ
الأب حب المظاهر
ع الهلف وافق قوام
بخيل والبخل ظاهر
والله يا با حرام
ــــــــــــــــــــــــــــ
الأم قالت يا راجل
سعاد ديا حيلتنا
لازمها راجل وكامل
مش حد لازق فى بيتنا
ـــــــــــــــــــــــــــــــــــــ
يا ستى هو المناسب
متريش وعنده فلوس
وأبوه صاحب مناصب
حسداه كل الرؤوس
ـــــــــــــــــــــــــــــــــــ
أنا بنتي مش رميه
ولا عالة نكل بيها
دول شلة حراميه
تعيش كأنه سا بيها
ــــــــــــــــــــــــــــــــ
يا بويا ليه بايعني
أنا برضو مش ضناك
من حقى ليه ما نعني
ليه ناوي ترميني هناك
ـــــــــــــــــــــــــــــــــ
يا سعاد بلاش الدموع
ربط لسانى الكلام
كلام ما فهش رجوع
ما ترميش عليا الملام
ــــــــــــــــــــــــــــــــ
عريس طالبك لحالك
لافرش ولا حتى هدمه
طريقه فاضي وسالك
وناوي يقدم لى خدمه
ــــــــــــــــــــــــــــــــــ
ما فيش باليد حيلة
ولازم أنفذ كلامك
فرحانه وكنت حيلة
وغصب عنى ملامك
ــــــــــــــــــــــــــــــ
يا بوي فكر وشوف
المال مش هو السعادة
ولا عمره غير ظروف
للهم أصبح زياده
ـــــــــــــــــــــــــــــــــــ
سعاد يا بنت ضهري
تهون الدنيا عشانك
وحياة فجري وضهري
ما أقلل أبدا بشانك
ـــــــــــــــــــــــــــ
يا عريس الغبرة –بره
لا جبت حاجة تا خدها
البنت بنتي وحرة
نصيبها قاعد يخدها
ـــــــــــــــــــــــــــــــ
زغرتى يا أم حمدي
بعلولتي رجعت دماغه
بعد ما كان فى ودى
بغزه تجيب له داغه
ـــــــــــــــــــــــــــ
سعاد يا بنت بطنى
أبوكي راجع صوابه
ياما زود رغيي ورطني
تسلم لى عمة جنابه
ــــــــــــــــــــــــــمحمودعمار الزلبانى