** ليلة العيد **
بحمد ربي و بسجد و اشكر 
إنه جعلني من الصايمين
مد فعمري لحد ما صمته 
و قوام كده عدّوا التلاتين
ناوي تودع يا رمضان 
ليه راح تمشي دنا زعلان
انا مش عاوز افارقك أبداً
و هاتوشحني ايامك جداً
لياليك حلوة و مرت بينا 
صوم و صلاه و اَيات قراَن
عارف إنك ماشي و فايت
لينا هلال له شكل جديد
أحلي هدية وراك جيالنا
طبعاً هي هلال العيد
ليلة العيد يا أعز ليالي
محلا بهاكي و نورك عالي
فرحة صومنا هدية عظيمة
كحك و غنوة و نور بيلالي
ثومة تغني يا ليلة العيد
و أنستينا و نورتينا
فيها نجهز ليس جديد
لجل نعيّد علي أهالينا
بمب يفرقع و الصواريخ
صوتها بيوصل للمريخ
اللي يجهز ثوبه الأبيض 
و اللي بينفخ في النفافيخ
أهل الخير بيلفوا كمان
بيفرقوا في زكاة رمضان
كل فقير له حق علينا 
دول أهالينا صحاب و جيران
لما صباح العيد بيجينا
ساحة الصلا بتنور بينا
بين أطفال و كبار و بناتنا 
سنّة عظيمة بأمر نبينا
فرصة نصالح بعض كمان
و نعيد من غير أحزان
أوعي تجيلك ليلة عيدك 
و انت مخاصم أو زعلان
** أخر همسة رمضانية **
** محمود بيومي **