** كحك العيد **
يا مدور في صاجات مرصوصة 
يا منور من بعد الصوم
يا مفرح مصر المحروسة 
بيك العيد بقى أسعد يوم
يا جمال العيلة الملمومة 
علشان تعمل كحك العيد 
جواك العجوة المبرومة 
و فوقيك السكر زغاريد
عمه و خاله و أخت و جاره
رايحين دغري علي الأفران
و حبايب ساكنين في الحارة
ليهم عادة بقالها زمان
الأطفال تفرح بعجينك 
و ترصك في صاجات بنور
ترسم تنقش لجل تزينك 
و تخليك حلو و أمور 
لذة و طعمك جاي عالكيف
و خصوصا في صباح العيد
نفطر بيك و نهادي الضيف
يا طعامتك و اللبس الجديد 
ربي ما يقطع عادة أنسك
دنتا علامة عيدنا الغالي
يا مجمعنا و يوم ما نرصك
نسمع ليلة العيد بتلالي 
بس الله يخليك براحة
إوعاك تحلى و تبقى فظيع
علشان لو كلناك بصراحة 
راح نتخن و ريجيمنا يضيع
** همسات رمضانية **
 ** محمود بيومي * *