* * ليلة القدر **
مسلم و ماسك سبحته مستني ليلة
في المصحف الغالي بيقرا بدمعته و دعوات جميلة
ناوي قيام الليل و روحه باليقين متعطّره
و فقلبه لابيض ألف شمعه منوره
هلّوا الأواخر و المعاد معروف لنا
القدر ليلة بألف شهر بنور بهاها جاتلنا
اللي ينولها يعيش سعيد في الأخره ضامن جنته
ثمانين سنة و زيدهم تلاته للي ينفع أخرته
يتقل ميزانه بأعلي قدر
و في ليلة واحده بقاله قدر
إفرح يا مؤمن بالسراط هاتجوز عليه من بعد صبر
بشري عظيمة من اَله رحمان رحيم جواد حليم
يفتح سماه للمحرومين و الراجعين غفار كريم
تنزل ملايكة من السما
افواج كثيرة معظّمة
و الكون يسبح للكريم بالمحمده و المكرمة
أفرح يا مسلم بالصيام
سبعة و عشرين بالتمام
سارع و كُن من اهلها أحسن دعاها و القيام
الوجه نوّر بالإيمان زاده الإله بدموع خضوع
مؤمن و رافع إيده يدعي بين سعادة و بين خشوع
و في ليلة القدر العظيمة كلنا
واقفين نسبّح ربنا
باسم الرسول نفرح نقول يا رب تفغر ذنبنا
و من هنا
بدعي معاكم إننا
ربي يفرج كربنا
و يهدي ناسنا و أهلنا
و بلادنا يا رب الحزينة
تفرح و ترجع آمنة
يهدي ولادها الطيبين
ينزع ضغينة الحاقدين
ندعي كمان و نقول أمين
يجي الخراب عالكافرين
و اللي عاوزها بألف دين
و ببركة الليلة الكريمة انصرنا نقدر ننتقم
مالّي خرب و اللي ظلم
و اللي يا مصر في مرة صابك بالألم
يا رب زيله كالعدم
و اللي بينشر في الفساد بين العباد
يا رب و اجعل له معاد
و ببركة الليلة العظيمة خلي لينا ألف نور
تحفظنا في العتمة ملايكة ويّا حور
و اللي قاصدنا بالأذي يبعد يغور
و اجعلها عالصهيوني نار
تصبح خراب تصبح دمار
دمّر ببأس الظالمين الظالمين
و اخرجنا بينهم سالمين
أمين
أمين
أمين يا رب العالمين
** همسات رمضانية **
** محمود بيومي **
