هات إيديك
**********
لما !!!
لما إيدي تلمس إيديك 
إحكم القبضه عليها 
لأجل يوم ماتِحتاجها 
قبل مِنَك هاتلاقيها 
وإوعي !!!
إوعي تنسي !!!
إوعي تنسي 
قلبي إللي حبك
إوعيَّ !!!
إوعيَّ تنسي 
سنين عُمري جنبك
وإني اصلاً !!!
إني أصلاً ضلع مِنك
إوعيَّ تنساني !!!
تنسي زماني 
دِفء قلبي وحناني 
إوعيَّ 
إوعيَّ تنسيَّ الأماني
وتنسيَّ إني كُنت حِلمك 
كُل أملك
وبلاش !!!
بلاش تُهجر وتتمرد 
بلاش تِبعد وتتغَرب 
وتغيب عن عيني تاني 
تِجرح . تِظلم . وتنساني 
هوا أنا من غيرك إيه ؟
أسويَّ إيه !!!
والحياه لزمتها إيه 
من غير ماتحس بيا 
هات إيدك !!!
هات إيدك في إيديا 
وتعاليَّ !!!
تعالي نِحَلق في الفضا
ونِِطلق الأحلام 
نِدفن الأشجان والجويَّ
ونفوق من الأوهام 
تعاليَّ !!!
تعاليَّ نِدفن ماضينا الأليم 
ونداوي قلوبنا والجرح القديم 
تعاليَّ نِمسح 
نِمسح مِن ع الخدود دمعه
نِرسم ع الشفاه بسمه 
نقيد ع الجبين شمعه 
ونِرضيَّ !!! 
نرضيَّ بالنصيب والقسمه 
وكفايه !!!
كفايه بُكي 
كفايه البُكي ع إللي راح 
مابين عِتاب 
ِحساب
والتَفتيح في الجراح 
تعاليَّ !!!
تعاليَّ نزرع ورود الحب 
ونخَضر !!!
نِخَضر الأحلام في القلب 
لأجل مانُحصد 
لأجل مانُحصد جَناين حب
صفاء عبد ربه