الملعونة 
فاكر أول يوم معاكى 
فاكره زى ما يكون 
النهارده
وياما ضيعت فى هواكى 
وكنتى ترمينى وقت شده 
وأنتى معايا
قال-بحس الكون جميل 
والسما رايقة وصافية
وكنت باسهر ليل طويل 
وكنت فاكر ان همى 
انتى الوحيده 
تنسيهولى 
حتى فاكر ان دمى 
لو معكر تصفيهولى 
والعقل صورلى حاجات 
كنت باسرح قال واتوه
والكلام بلاقيه سكات
واللى سابونى يرجعولى
العذاب فى القرب نار
والنيران حرقت ضلوعى
حولتى فرحى كتير مرار
واللى فاضلى دموعى
دانتى كدابه بصحيح
وصحبتك فيها الخساره
القلب وياكى جريح
يا ملعونه 
يا سيجاره
------------------
محمودعمار الزلبانى