حبك هو موالى
للشاعر : محمد ضباشه
متين مرة ... وبالمرة
خديها كلمتين منى
كلمة همس فى ودانك
والتانية أبقى أسألى عنى
وكفاية حبتين صمتى
وكفاية فيكى زرعى بار
وكفاية عايشة فى قلبى
وانا قلبى مالو دار
ومالى حبة فى قلبك
ومالى سكة جواكى
حزنتى قلبى ببعادك
وانا بعادك بيألمنى
كتبت غلى الهوا أسمك
وهوا جاى يعلمنى
وعلمنى حاجات تانية
فى قلبك عايشة جواكى
وناداكى اللى كان اسمى
أنا روحى بتهواكى
وبهوى فى العيون صورة
حفظها قلبى ما أنساكى
متين مرة ... وبالمرة
كفاية يا جبى رحماكى
دأنا عايش وأنا لسا
برسم على الشجر قلبين
وخرفك م الحفر يندهلى
حبيبى أحنا راحين على فين
على سكة عتمة بقراقنا
تتفرع بنا لطريقين
فى كل طريق بشوف دمعة
ومش شايف شموسك فين
دفنها الهجر بأيديكى
ولعنيكى يدوب سؤالين
خلاص بعتى فى يوم قلبى
وأنا عايش وبهواكى
وعرف القلب ينسانى
وأنا وقلبى بنرعاكى
ميت مرة تانى راح اقولها
أنا لسا عنيا شارياكى
وهبان واقف على حيلى
ودمعى جوه متدارى
وصمتى ليا يألمنى
وحبك هو موالى