ايوا هو اجنا الصعايده 
=============
ايوا هو اجنا الصعايده 
احتاروا فينا ما لقيوا فايده 
كل حاجه عندينا زايده 
اتعدت المسموح وفايضه
الكرامه 
والرجوله 
والاصالة 
والشهامة 
والموده 
ولابتسامه 
حتى طباع الجاهلية 
وقت الغضب نار و قايده 
ايوا هو اجنا الصعايده 
فرط حنية و قساوه 
احترام وياه ادب اخر حلاوه
راجل جدع مغموس شقاوه 
الصغير ينحنى قدام كبيره 
والكبير ع الكل ماشى كلامه 
تلمح الهيبه بملامحه وبعيونه 
والحمية بانفاسه وبكف ايده
لما بتصافحه تنحس بسلامه 
ايوا هو اجنا الصعايده 
فلاسفه بوزن المعنى والكلمه 
ومواويلنا وحكاوينا عبره لبكره
لكل ناشىء مننا اية وحكمه 
والكسوف بالرجال عندينا عيبه 
والرجال عندينا حكما 
ايوا ليهم ميت امارة مع علامه 
الفقير فيهم تلاقيه عالى هامه 
عايق و متهندم فى نفسه 
شموخ وعز هيبة و قيامه 
ولو ما فيه قرش بجيوبه 
بص واتمعن بشاله والعبايه
وشوف حياكته وحنكته 
بمسك العصاية ولف العمامه 
ايوا هو اجنا الصعايده 
والله فعلا كل حاجه 
عندينا زايده و بغباوه 
الكرم احنا اساسه 
والاصول احنا ناسه 
والادب منا دروسه 
والردى ابدا ما يوم يعوصه
واللى بينا بيوم تكتر فلوسه 
او بيوم يعلا مقامه مع نفوذه 
يزداد تواضع ويزداد عطاؤه مع ايمانه 
الكبير نديله حجمه وناخد بايده 
والصغير نحضنه ونبوس جبينه 
والحريم عندينا مساكين غلابه 
بس بعيونا اماره مش سبايه 
ايوا نسونا جواهر حرة وصوانه
ومداسها بنقدس خطاه مع ترابه 
زين ابوها ادى الرساله و الامانه 
يا بخت اللى بوصل دق يوم بابه 
نال مراده وفاز باسمى ام لعياله 
ايوا هو اجنا الصعايده 
و الصعايده بدون مزايده 
هم الاصالة بالزمن ده 
واللى عنده غير الكلام ده 
لنفسه يوفر كلامه 
ايوا هو اجنا الصعايده 
احتاروا فينا ما لقيوا فايده 
كل حاجه عندينا زايده 
اتعدت المسموح وفايضه
الكرامه 
والرجوله 
والاصالة 
والشهامة 
والموده 
ولابتسامه 
حتى طباع الجاهلية 
وقت الغضب نار و قايده 
ايوا هو اجنا الصعايده 
بقلم 
الشاعر \راسم محمد