إ بــتــــســـمــــــــــــى
.................
أنا الغاوى
أبوس الجرح فى عنيكى 
واطبطب ع اللى يقتلنى 
عشان خاطرك
والف وادور
بمواويلى على التباريح
وارش غناوى وحكاوى
وأستنى 
لحد الشمس ما تفكر
تقوم م النجمة تتمطـَّع
وتتاوب
وترمى خيوط دهب خالص
وباسبق ضلة الخطوة 
وباتسابق مع بكرة
وباسرق ضحكة الحزنان
أجيبها لك 
واخبى الآهة
فى التوب اللى بات دايب
واضحك نجمة الأحزان 
فى لياليكى
واغنيكى ف مواويلى
ولو هاقدر ..
أشيلك نبضة فى قلبى
وأعمل دمى
ترياق شافى لإديكى
لو انت مرة ...تبتسمى
........
بــقـــلـــــــم ا لـــشـــــــا عــــــــر 
أ بــــو عـــمـــــــا ر ا لـــمـــصــــــر ى