فى الصبح بدرية
بيها ربى يوزع الارزاق 
=============
اصحى يا نايم 
اصحى يا غقلان 
خيط الفجر هل وبان 
قوم اتسحر واتوضى وصلى 
واغتنم من رمضان 
دا السعى للصوم 
خير من النوم 
وبعوده يا رمضان 
مسحراتى
باجوب حاراتى
انادى وحدو الرزاق
فى الصبح بدرية
بيها ربى يوزع الارزاق
اصحى يا نايم
اتسحر وصلى وانوى صوم
وناجى رب العباد يلبى
دعااء وبصلاة و قيام
دا السعى للرزق بدرى
عباده ويغنى عن سؤال
ومهانه ولئيم لكريم
وانا مسحراتى
بدور ليلاتى
اصحصح حبايبى
واهلى وصحابى
وكمان جيرانى
يلا يا محسن
وانت يا هانى
هاتو العصاير
هاتو الصوانى
دا الفجر لاح
وهلت بشاير
قران بجلجل على الماذن
يلا يافاطمه وانت يا مازن
الموالى بسمانا الاولى تجلى
بحسناته وغفرانه وبالرزق بيهادى
بالرزق بدرى عليكوا بينادى
اصحو يا عبادى
نهاركوا ابيض
صباحكوا نادى
محمد دا سباك
خلى واغلى اصحابى
النيه سالكه والقلب دافى
ومياهه صافيه وحبه جارى
بالود واصل ربه وصاحبه
يا رب اقبل ليه دعائى
استاذنا ممدووح موان
بالخير قلبه عمران
بشهر رمضان
جواد بالاحسان
الاسطى ناصر
سواق فى هيئة
عايق تملى
ودماغو رايقه
عايشها على الله
ومحاسبها ثانيه
والعم فايق
قماش ستاير
وفرش سراير
طيب وديما
على رزقه صابر
وعلى منجد بارع ورائع
خياط لكسوه يفصل براقع
وطارق دا صاحبى
حلاق وشاطر
مقصه ذهبى
وموسه حامى
ودايما بشعرى 
يسمع كلامى
وفتحى ياعم
اهوجى ارارى
دايما فاهمنى
وقارى دماغى
انا لما اروحله
من غير ما اطلب
الاقيه محضرلى
يا سيدى مشروبى
نجم ممحر كمان وبنا
بالكون بيسعى
على رغيف مدور
لعمره يوم بص لغيره
ولا عمره مره
على رزقه يتامر
و غوانى جارى
صاحبى وحبيبى
فراش مناسبات
على قد حالى
فى فرح فى ميت
يجرى يجاملنى
ويدعي المولى
على الدنيا يغنينى
واحمد دا نجار
رحيم حنين 
بالخشبه والمسمار
عنده يا ناس دكان صغيور
يجى متر كدا فى مترين
بالصبر والايمان
والشكر للرحمن
عمره ما بات جعان 
ولا يا خلق مديون
وربك رحيم بيرزق
ولينا يا عم معين
ما ينسى ابدا حد
من قوته وجوده
ومن رحمه مع غفران
بادر يا خال ويلا يا عم
هم واغتنم من رمضان
فوز بصلاة وصيام
تدخل من الريان
وبعوده يا رمضان
بقلم
الشاعر \ راسم محمد