(شخابيط)
...........
قالوليي إمسكي القلم وإكتبي ياياسمين.
عن الدنيا وإنتي مغمضة بس في كلمتين.
فكرت مع نفسي شوية.
لاقيتها كلها ألم وأسية.
لكن كتبت أول سطر.
الدنيا دي زي القطر.
لا لا!! دي ضحكة تايهة في حكاية.
دي أحزان ملهاش نهاية.
دي ناس قلوبها صافية.
الضحكة منهم لينا شافية.
لا لا !!دي ناس بتكدب وتخون.
ماتقدر تحافظ على العهد وتصون.
لا لا !! الدنيا دي حكاية.
لا ليها أول ولا نهاية.
الطيب فيها مجروح.
بتسقيه ألم ونوح.
وناس لابسين وشوش.
ولسانهم بالغش مرشوش.
لا لا !! فيها ناس الحب غيَرها.
بتفكر فيه ليلها نهارها.
الدنيا دي أكبر موال.
فيها الفرس وفيها الخيَال.
فيها الحقيقة وفيها المحال.
لاقيتهم بيقولوليلي بصي شوفي.
آه ياخبر ياكسوفي.
لاقيت اللي كتبته مجرد شخابيط.
طالعة نازلة على الحيط.
بقلمي ياسمين محمد.