محمود بيومي
** القلم **
لما قالولي تعالى اتعلم 
خش مدارس
و امسك ده بإديك و اتحكم
كانت إيدي صغيرة و نمنم
راحوا قالولي ضم صوابعك
شق طريقك و اكتب و ارسم
و اوعى تفكر إن ده هين
بكره هاتعرف إن القلم اللي انت حكمته
يقدر يبني
يقدر يهدم 
يقدر يستقوى و يتحكم
هد ممالك
شق مسالك 
جاب النجمة العالية هدية لأحلى حورية 
صاغ أحكام إعدام لبريئ 
كتب الكلمة الحلوة في غنوة تبل الريئ
أنت ان صنته اكيد هايصونك
و ان يوم خنته لابد يخونك
إوعى في يوم تسمحله يهينك
هو القلم الغالي يا ولدي
يوجع يشفى و يغوي و يهدي 
هو سلاحك 
هو كفاحك 
هو الخل أعز صديق
** همسات رمضانية **
 ** محمود بيومي * *