جارى التحميل
استخدم زر ESC أو رجوع للعودة
مستحيل مصر ح تركع
..................
مش ح نركع أو نطاطي لو نكون مليون شــــهيد
مصر عايشه جوّا روحي رغم جرحي ف كل عيد
مش ح نركع أونطاطي مش ح نركع للعــبيد
جوا قلبي حلم عاشق حلم راجع من بعـيد
مصر راجعه مصر باقيه ومش ح تركع للعبيد
كل يوم الشمس تطلع تتروى بدم الشهيد
ياعقول ضاله بتسرح كل يوم تدبـــــح وليد
لو يكون القتل دينكم ياخوارج مسلمــــين
يبقى ديني غِيرُه دينكم ... دينى رحمه مش يبيد
..........
ديني يبني ديني يزرع ديني واهب للحـــــــــــــــــيـاه
دينى رحمه ديني ُطهرديني مركب للنجــــــــــــــــــاه
ديني ( يُوسُف ) لمَّا خط الأرض طرحت بالنمـــــــــــاء
ديني (عيسى) لمَّا أحيا بأمر وحي من السمـــــــــــاء
ديني (نوح) لمَّا يوهب للى آمن شهقه من نور الإلــه
ديني عفو ديني كلمه تخرج تغرد م الشفاه
مش بذاءه ولفظ جارح لفظ خادش للحـــياء
........
ديني خير ديني أيد ممدوده دايمًا بالأمــــــــــــان
ديني ( محمد ) حياه و رحمه وقلب نابض بالحنان
مش ح نركع أونطاطي للى تاجروا بالزمــــــــــان
........
للى لاجل الكُرسي باعوا دين( محمد) ف المزاد
للى خلوا الشمس تبكي من متاهات العنـــــاد
للى زرعوا جوا بلدي ألف دمعه ع الـــــــــــولاد
للى دينهم غيره ديني ... ديني رحمه بالعبـــاد
مستحيل مصر ح تركع إلا لغير رب العبـــــــــــاد
............................
شعر / أيمن صبري ذنون أبوعماد .. صنصفط .. منوف .. مصر.
الثلاثاء 30يونية لعام ألفين وخمسة عشر ميلادية .الثالث عشر من
رمضان.
