تهون نفسي 
---------------
----------------------------------------
تهون نفسي وانا بحمي تراب بلدي 
تهون عندي وحتى الروح اذا راحت 
-
ماهي الأم وفـي قلبي مكان ولدي 
وهي الأهل والصحبه ولو باعت
-
عشان لحمي مابين كتفي ومش وحدي 
دا من خيرها مفيش غيرها ومين ساعت 
-
ومهما الغدر يسكنها تعيش تدي 
ندافع عنها من خوفنا إذا ضاعت 
-
عشان أرضي ومين تعني كتير عندي 
ومهما تعاني مـ الظالمين ولاانطاعت 
-
بترجع تاني لأصولها ولابيجدي 
دا طبع الماس وهي الماس ولو طاحت
-
أنا المصري ومهما يكون هقوم وافدي 
لحد مانصحى نلقى الغمه وانزاحت 
---------------------------------------
-----------------------------------
بقلمي ..... هشام عوض محمد
الأربعاء ..... 01 - 07 - 2015 م 
-----------------------------------