ارحمنى وصبرنى يا ربى 
بيقولوا على التفهات 
فن و فلكلور وشعبى 
============= 
مسحراتى 
بادقدق وانادى
اصحى يا نايم
وحد كريم دايم
وقول نويت ان حييت 
باقى الشهر صايم 
وليله قايم 
اطلب هدى وغفران 
واتلو وارتل واجود 
بتلاوة القران 
وبعوده يارمضان
* 
* 
اسمع منى كلمه هقولهالك
شيل القطن اللى بودانك
واسمع اليوم بقى كلامنا
بيقولوا ان احنا اللى بعنا
الغالى النفيس وللرخيص
سلمنا يا عمنا ودانا
والله يا خلق وحشنا
ادانا بصوت رفعت على ماذنا
وفؤاد حداد ومكاوى لما سحرنا
وعبد المطلب لما قال رمضان جانا
مسحراتى اليوم دا يا خلق هايتعبنا
وهيقلب علينا موجعنا
فين مواويلنا وفين اغانينا
فين فنننا يا ناس وطربنا
فين سوما وحليم وطليبنا
فين فايزه ونجاة ووهابنا
قلولى بس فين الاقى
فؤاد حداد وجاهين ومكاوى
وفين رامى وبليغ والسنباطى
راح فين تراثك يامصر
لفن اليوم ده وجع راسنا
فين ولادك يا ولاده
راحو فين جل نسل اجدادى
نهرى الخالد بالمعتى جف وضعنا
ما بين غاوى وهاوى وعامل مغناوى
كلامه صبح من الاحساس خاوى
فيين عاداتنا وفين تقاليدنا
ضاع فكرنا وادابنا يا سيدنا
يااهل المغنى دمغنا وجعنا
هبد ورزع حرام صدعنا
حتى-الكلمه بدلتوها وبهدلتوها
ولا عاد ليها للون ولا معنى
نشاذ يرهقنا وياذى ودانا
اللى يقول فكهانى وبيع الفاكه دا غيه
عندى البلح اربع الوان
وعندى المنجه كمان زبديه
واللى يقول مكوجى وبدووووووس
ويملص ودنى انا بحنيه
ويفضل بخ ياناس فى ودانا 
ويلغى افكارنا ويلغى عقولنا
فاكرها قميص او كام جلابيه 
وكمان سواق توك توك فاكر الدنيا تكية
عوج سيجارتة هتلسع خده
فى ودنه واحده كمان محشيه
وسمعاته بصوتها العالى كده مداويه
وكلكساته يا عالم تكفى لميت عربيه
سمعنا يا ناس بالاكراه 
على وحده ونص
التت لعباس مع هنديه
وميكروباص وصاحبه اسمه كمان عسليه
معلق بوستر لواحد اسمه امبر طعميه
ومشغلى كمان غنوته
حاسبى يا خلتى 
البت بتاعتى 
هاتى بوسه ياوليه
ومسطلحات لا اصل ليها
ولا وردتش بابجديه
هيس واتشالط واديها
وهشكنا يا ريس ترييها
ونفض وانتخ واتروشن 
هبا يا شق اوام عليها
واتظبط واياك تستعبط 
تريها طحن يلا ياخاربها
وانا واحد مغلوب على امرى
ومن غلبى يا عالم انا بصوووت
باسمع بالعافيه ومش كافى-
ومطلوب منى انى اظقطط
واذا كان مش عاجبك يا معلم
اقرب حيطه قصادك يلا 
ناول واخبط راسك فيها
الفن ياخلق بقى زن 
ومسخره مع قلة قيمه
والمغنى-يا خلق بعيط
من كتر اسمائهم والله
انا بقيت يا عالم بتلخبط
وكل الارتام بقت واحده
والكل يا هووو بقى بيشبط
سيكا ومزيكا وشيكابيكا
وكله يا غالى زى القرد
على مسرح عمال يتنطط
بيقوله فلكلور دا وشعبى
واهو كله يا عالم بيخبط
شهره وفيلا مع عربيه 
وموديلات يا خلق وسيط
والفن يا عمنا اهو بيهبط
ويعوض الله يامزيكا
دا الفن على ايدبهم اتكحرط
ولسه بنادى مسحراتى
يمكن اعيد الزمن الماضى
ويصحى الغافل يوحد هادى
نبنى بلدنا ونحييى تراثنا
ويعود تانى مجد بلادى
اصحى يا نايم وحد دايم
فجرنا لاح والمولى بنادى
قومو يا عبادى
حى على فلاحكم وصلاتى
صباحكم فل نهاركم نادى
ورمضان جى بعديه اعيادى
* 
* 
اصحى يا نايم
وقول نويت ان حييت 
باقى الشهر صايم 
وليله قايم 
اطلب هدى وغفران 
واتلو وارتل واجود 
بتلاوة القران 
وبعوده يارمضان 
بقلم
ارحمنى وصبرنى يا ربى