حكاية لشارع ومنطقه وميدان
============
مسحراتى بنادى 
هايم بشعرى بالملكوت
اقول يا مصر بحبك موت 
اهتف بيها بعلو الصوت
يا مصر يا حرة يا بلدى
ارددها بصوت هادى
اغنى وادقدق 
على طبلى 
وسعى الخير 
يا ناس طابلى 
قوموا وجدوا الهادى 
اصحى يا فرعونى 
هم قوام يا مصرى 
اليوم كلامى باقلامى 
هيكون اليك فريد حصرى 
جايب من الاشغار تلاتين 
بحلا وعدد ايام رمضان 
بكل شارع ومنطقه وميدان 
هنادى واصحى انا النايمين
* 
*
يا مصر يا غالية يا امى
يا عزى وجاهى وحضارتى 
ويا اهلى وولاد بلادى
يا جل نسل اجدادى
ويا قاهرة المعز 
يا مدينتى وامارتى
يا مسقط راسى
وشهادة فخر لميلادى
بحدايق القبه موطنى
واهلى مع ناسى
وبالويلى والزاوية ليه ناس
اهديتهم ودى واخلاصى
وبدير الملاك هناك لنا ذكرى
هتلاقى قصر ثقافه لريحانى 
منه بدات اكتب باحساسى
وجامع لاسد المنابر الكاسر
عبد الحميد كشك دا امامى
ياما صلينا وراه بخشوع 
والدمع على الخدود جارى
و هناك استوديو جلال 
تراث شعبى لنا و اعلامى
على نصيته يا عم هتلاقى
فصه لمنبت طفولتى
ومهد لحرفى و براعى
وتلاقى بيتى وسكنى وعنوانى
وبمنشية الصدر برضه هتلاقى
اعز احبابى واصحابى وخلانى
اليوم هناك هقول مسحراتى
اصحو يا نايمين اليوم دا لكلامى
واجوب شوارعها ادندن بموالى
من احمد شفيق لبسيونى
ومن ولى العهد لخليجى
ومن الدويدار للقصر الجمهورى
للقصيرين والشادر و مكاوى 
ومن سكة الويلى للنقراشى 
هقول يا خلق انا شاعر بدى 
يشعرى احيى فنى وتراثى 
برمضان عامل مسحراتى
باكمل باشعارى طريق
فؤاد حداد ومكاوى
اصحى يا نايم
وقول نويت ان حييت 
باقى الشهر الكريم 
على صيامه ان ناوى
دا السعى للصلاة والصوم
خير من النوم 
دى ليالى سمحة 
بعديها فرحة 
وبعوده يا رمضان 
* 
*
يا حدايق القبه 
يا ارض الدفا والمحبة
يا روضة عامرة كل سكانها نجوم
كان بيك شاديه واسماعيل ياسين
وكمال الطويل و ذو الفقار و جاهين
وفيك الكواوى وابو غزاله وبهاء سلطان
وحماده هلال واشرف عبد الباقى 
وخالد جاد الله وطارق النهرى كمان
وزكريا ناصف والخواجه وعادل الكومى
والحكم الدولى عبد الحميد رضوان
ومؤمن حسن ومى وريم سعيد وحنان 
وكتير من النجوم عندنا و الفنانين
واليوم على قبة الشيخ حسان
انا شايف هلال رمضان
بيقول اصحوا يا نايمين
وحدو كريم رحيم رحمن 
فى شهر احسان 
السعى فيه للصوم 
خير من النوم 
حى على صلاة وفلاح 
وبعوده يا رمضان
بقلم
 الشاعر \ راسم محمد