هل هلال رمضان
1 =========
هل هلال رمضان
ما تصحوا يا نايمين
وحدوا الديان
الفجر لينا اهو بان
قوم قبل الادان
اتسحر واتوضى وصلى
وانوى صيام رمضان
دا السعى للصوم
خير من النوم
دى ليالى سمحه
بعديها فرحه
نشوف مصر بلدنا
عروسه مزوقه بطرحة
وبعوده يا رمضان
*
*
مسحراتي
منقراتي
اول ليلاتى
اليوم دا من رمضان
شايف هلالى
مولود بيلالى
اصحى يا نايم
وحد الديان
راسم بيدعى
يارب على
رايتى و بلدى
واسعد الاوطان
وفق رئيسى
العم سيسى
يضوى فانوسى
ويخلى فجرى يبان
ويحمى جيشى
ولاكل عيشى
يسهل الرحمن
لقمه بزبادى
تشد عودى
تغنينى سؤال حاقدين
نعلا ببلادى
ونسرى يلالى
على صدر علمى
العالى بتلات الوان
بعزى و مجدى
ما اخد راح ادى
ولا امدى يدى
ابدا بيوم لجبان
اصحى يا مصرى
دا كلامنا حصرى
راح يشهده رمضان
تلاتين ليله
اهل و عيله
حالفين لنوفى الدين
نعلن لكل الكون
مصر الكنانه
امن وتقى وايمان
الله حامينا
من العدا والعين
حتى اسالوا رمضان
هلال بيجري
في بحر هجري
قال ضي فكري
للمستنير بيبان
هلال بلدنا
والالف مادنه
واهلنا الطيبين
لمجدنا عودنا
ولله حمدنا
وهل هلال رمضان
*
*
ما تصحى يا نايم
وحد الديان
الفجر لينا اهو بان
هم قبل الادان
اتسحر واتوضى وصلى
وانوى صيام رمضان
دا السعى للصوم
خير من النوم
دى ليالى سمحه
بعديها فرحه
وبعوده يا رمضان
بقلم
------ الشاعر \ راسم محمد
