عاشقك يا بلدى 
من المنزله لاسوان 
============ 
مسحراتى
بدور ليلاتى
ما تصحوا يا نايمين
قوموا وحدوا الديان
الفجر لينا اهو بان
قوم قبل الادان
اتسحر واتوضى وصلى
وانوى صيام رمضان
دا السعى للصوم
خير من النوم
دى ليالى سمحه
بعديها فرحه 
نشوف مصر الغالية
عروسه مزوقه بطرحة
وبعوده يا رمضان
*
* 
باجوب مداينى فيكى
وشوارعى وحاراتى
يا مصر ياغالية
ياام الراية العالية
وعلمك ثلاث الوان
عليه نسره ذهبى بيلالى
هارسملك بشعرى خريطه
دا كل شبر فيك يا بلدى
انا شايله بقلبى وعنيه
من القاهرة لاسوان
تاس طيبة الدنيا
ومن لاقصر لراس غارب
تاريخ مكتوب ببردية
ومن سينا للدقهلية
عشق الجمال غيه
ودمايطه و غربيه
شالله يا شيخ العرب
يا سيد يا بدوى
شرفت بك طنطا
يا زين الاوليه
ونظره ومدد يا امام
شالله يا ابو العباس
يا اجدع ناس 
يا احلى اسكندرانية
يا سويس يا بلد الغريب
يا حرة يا ابية
و يا بساله وقت الشدايد
يا بور سعيديه
ويا بور فؤاد ويا اسمعلاوية
الف سلام وتحية
يا ابطال سواحلية
يا صاعيده متاصلين
وعشق الرجال هيبه
اموت انا من الجوع
ولا امد انا اديه
لاجل عزة وكرامه
ما ننحنى راسى 
غير لرب العزة والبريه
يا سوهاجى وقت الجد
له اماره وعلامه
ويا اسيوطى ومنياوى
بالكلمه بيداوى
ويا جيزاوى وفيومى
يا حر دماه حامى 
ويا مصراوى قاهرى 
مثقف واعى وعصامى
سلام يا اهل البحيرة
يا غالين اوى عليه
ويا شرقاوه ويا قليوبيه
من حبى فيكم كتبت اغنيه
عزلت من كلامى قصيده
ووهبتها انا هديه
يا غردقة ويا واحات
داخله وخارجية
يا هليود شرقنا
يا شرم الشيخ
يا واحة الراحة 
يا جنه طبيعية
ويا مطروح السحر
بحرك فتنى يا جنية
يا عروس البحر يا ابية
يا رشيد ويا محله
يا ورده مع فله
فاكرين حملة فريزر
والحملة الفرنسية
فاكرين حسن طوبار
ورجال منزلاويه
دا كل شبر بمصر
انا شايله بقلبى وعنيه
رمضان كريم يامصر
ياحضارة واسطورة فرعونية
اصحو وقولو للبشر والكون
مصر هتظل يا عالم
راعى العروبه وام للدنيا
وان شاء الله العام اللى جى
لو لسه لينا بالحياه دى عمر
راح انادى انا المسحراتى
وافكركم يا خلق بكلمتى ديه
رمضانكم كريم يا مصروية
قوموا اتسحرو هل الصباح
والفجر نوره هل ولاح
قوموا وحدوا المولى بينادى
حى على صلاة وفلاح
اتسحرو ولبوا الندى
واغتنموا من رمضان
دا السعى للصوم
خير من النوم
دى ليالى سمحه
بعديها فرحه
بعيد فطر بعد الصوم
هنكبر بتكبيره 
ونقول سوا كلنا 
اهل مع عيلة
والله بعوده يا رمضان
بقلم
—— الشاعر \ راسم محمد