برباط ليوم الدين 
==========
مسحراتى
داير ليلاتى 
باهتف وانادى 
يا مصر يا امى 
ويا اهلى وعزوتى 
ويا جل نسل اجدادى
اصحوا اتسحروا ووحدوا الهادى
يا مصرنا دايما 
كما برجك العالى
كايدا الاعادى 
بخيرة شبابك 
النصر ديما حليفك
مولود على بابك
وله ذكرى جاية 
بالعاشر من رمضان 
راح افكر احبابك
داير باغنى 
وربى بيعنى
بادقدق و ادندن 
واصحى ولادك النايمين 
يتسحروا قبل الادان 
وبعوده يا رمضان
اصحى يانايم
وقول نويت 
الشهر صايم
وليله قايم
عشمان انا بغفران
* 
*
ربى بنادى
يا مسحراتى
صحصح عبادى
صباحكو ابيض
عامر ونادى
فتح ورودى
يا ست رودى
بالفضل جودى
وقدمى الاحسان
على الطبالى
ملفوف ولادى
لقمه هنيه
تكفى لميه
فضل ونعمه
والشكر للرحمن
يا عم صبحى
نادى لمرعى
على رزقه يسعى
يلاقى بر امان
ويا عم جوده
شهر العباده
بينادى عبده
وشرين و غاده
ومحمد و عبد الرحمن
قيامى بليلى وابتهالى
وزكاتى وصومى
وتلاوتى بالقران
قربان وطاعة
وصلاة جماعة
ووتر وسنه
وكمان شفاعة
عباده للديان
اليوم جبرنا
والمولى عنا
كلنا وشربنا
ولله شكرنا
ولفروضوا قيمنا
وبالتو جبنا
عيشنا وفولنا
وذبادى وجبنا
لتالت سحور رمضان
بالخير باصبح
ونبينا بامدح
واصحى انا النايميين
*
بنادى يا بلدى
جالف لاوفى الدين
فداك ولدى
يا غالية دايما
ومذكوره بالقران
شعبك وجيشك
خيرة جنودك
وحراس حدودك 
طيار وكمان قبطان
حالفين يمينك
لنعلا بالاوطان
بصبر وارادة
وحس العباده
ودعوة الصايمين
راح تعلى رايتى
ترفرف يرفرف
قلبى معاها كمان
وبعلو صوتى
هافضل انادى
تسلم ايادى
ذكرها ربى
خيرة ولادك
و شعبك وجيشك
برباط ليوم الدين
*
* 
اصحى يانايم 
وجد كريم دايم
وقول نويت 
باقى الشهر صايم
وليله قايم
عشمان انا بغفران 
دى ليالى سمحه 
بعديها فرحة 
نشوف مصر الغالية
عروسه مزوقه بطرحة
وبعوده يا رمضان
بقلم 
=== الشاعر \ راسم محمد