إصحى يا نايم
...............
سحرنا يا عم
طبل على أوجاع أيامنا
دور لف وهاتى ف شوارعنا
صحى النايم
صحى الغافل
طبطب بالراحة على وجعنا
إسأل لمتنا ليه اتفرطت ؟
ومشنة بيتنا خلاص طفشت
والفرن بنحميه بعضامنا
والعيش المر بقى سحورنا
سحرنا عشان بكرة صيامنا
ما بقى لنا سنين
إجبارى ...صايمين
لا فطرنا ف يوم ببلح أو تين
دة فطورنا القهر مغمس طين
صايمين عن كلمة حرية
صايمين وبنفطر برصاصة
وآداننا بيرفعه قناصة
ونحلى برقصة رقاصة
على دم مغرق مدامعنا
سحرنا يا عم
صمنا .. فطرنا
ولا حد اهتم
كان هنا رب الأسرة معانا
كان هنا أخ شقيق ويانا
روح سحرهم
خبط ع القبر وسحرهم
خبط على باب الزنزانة
سحرنا على قلوب قهرانة
واستأذن ...قول للهجانة
رمضان كريم
...............
بـــقـــلــــــم ا لـــشـــــــا عـــــــــــر
أ بــــــو عـــمـــــا ر ا لــمـــصـــــــــر ى
