حِلْفِتْ لِبُكْره
-------------
--------------------------------------
إسئلوا النار اللي شبت فـ الضلوع 
إيه سببها اللي شعلها ومن سكات 
-
كنت قاعد فجأه مرت بين جموع 
نار وقادت جوا قلبي وكام حاجات 
-
حتى نني العين وبانت فيه شموع 
صاحبي قالي حبي واضح للي فات
-
كنت حاسس زي مركب ليه قلوع 
وان نسمة ود صافيه عندي جات 
-
والشعور اللي ملاني بالوقوع 
خلى قلبي يغني كل الأغنيات 
-
لما راحت من قبالي بدون رجوع 
رجلي راحت ليها قايمه وخد وهات 
-
مره تضحك مره تسكت مره طوع 
زي لحن وكنا نعزف بالنايات 
-
الزهور اللي ماكانت والزروع 
فجأه بانت جنب مني مدرجات
-
والسواد اللي بشوفه بكل نوع 
راح قـ لحظه لما شفتك من ساعات 
-
إسمحي بالوصل ميت مـ الولع 
راح أخلّي اليوم فـ عمرك أمسيات 
-
وعدى انك راح تفارقيها الدموع 
والسعاده تدوم فـ قلبك للممات 
-
سهم حبك صابني رغم وفيه دروع 
قلبي حبك واللي قبلك ذكريات 
-
نقسي أسكن جوا قلبك والفروع 
بس لسه الرد منك أمنيات 
-
نظره منها وبسمه حلوه ومش خنوع 
بس قالت راح هقولك تلميحات 
-
واما جريت ليا حلفت بالرجوع 
وان بكره تكون مقابله و تطمينات 
-
من ساعتها الدنيا ورده فـ الربوع 
بس قاعد عقلي يدي فـ تنبيهات 
-
حتى نومي غلبت احايله بالخضوع 
قالي بكره الرد منها وبعده ابات 
----------------------------------
------------------------------------
بقلمي ..... هشام عوض محمد 
الثلاثاء ..... 16 - 06 - 2015 م
----------------------------------