آخرتها معاكي ؟!
=========
=============
آخرتها معاكي تعبتيني 
قلبي المسكين ماانحملشي 
النوم أهو طاير من عيتي 
وكأن الشوك ساكن فرشي 
كل اما أغمض بتجيني 
وتقولي حرام قوم ماتنامشي 
إزاي هتنام وتخليني 
خليني أنام قبل ماتمشي
-
أقعد وأبطل عن نومي 
وأمسك شباكي ونضارتي 
وأبص لفوق ألقى نجومي 
أفضل أحكيلهم فـ حكايتي 
وتقولي هاروح. ليه هاتقومي ؟
قالت دا خلاص خلصت نوبتي 
سلمت عليها وفـ همومي 
النوم وماعدش فـ مقدرتي 
-
ألبس وأروح مشوار شغلي 
مهموم وحزين منا مش نايم 
وأنام عـ المكتب من دوغري 
مافطرشي بقيت زي الصايم 
يجي الأستاذ ويقول بدري 
أصحى ومفروع وأروح قايم 
دا مديري وواقف وبيغلي 
معذور منا كنت كمان هايم 
-
بالزمه حرام مرسال طيفك 
انا فيكي يوماتي وبتصور 
طب مره قوليلي اني هشوفك 
والمره دا شيء راح يتكرر 
واني اللي فـ قلبك ووليفك 
والحب دا شيء مش متبرر 
علشان أطمن وأضيفك 
وفـ قلبي أحطك وأقرر
============
==================
بقلمي ..... هشام عوض محمد 
الأحد ..... 14 - 06 - 2015 م 
=================