مسافر
--------

-----------------------
لفين ماعرفش لكنّي
زهقت العيشه من ناسها
ضمير الناس بيقتلني
وراميه العقل من راسها
وكتر الكدب حيرني
وكلمه حق قام داسها
ونصب وجور بيزهلني
قولولي إزاي يكون قاسها
-
ياناس دي الدنيا ساعة وقت
يقيسها الله بميزانه
وبعد الساعه تلقاك مت
وتتحاسب بأوزانه
ومهما تكون خفيت وعملت
يكيِل بالوزن وزّانه
ماينفع ليك تقول لو تبت
دا وقتك راح وآذاته
-
ومين يعرف ياريت فيهم
لقيت الناس ماهيش فاكره
بيجروا فـ دنيا تبليهم
وناسيه فـ يوم تكون آخره
بتسرق حق مش ليهم
وتاكل عرقي والأجره
وظن النصب يكفيهم
وظنه يكون مافيش بكره
-
دعيت يارب غفرانك
ياريت عجل وتاخدني
أنا بالصبر علشانك
جزاء الصبر واعدني
وقلت يارب سبحانك
عن الأحزان وتبعدني
أنا من بعد آذانك
دعيب يارب ساعدني
------------------------
.............................................
بقلمي ..... هشام عوض محمد
الأحـــد ..... 14 - 06 - 2015 م
------------------------------------