يا أنـا ...
رؤيـــة : ممـــدوح حـــنفي
...................................
الحياه صعبه .. الدنيا حلوه .. 
دي كانت أحلامي فـ منامي
الحياه غـربه .. الدنيا غنوه ..
دا كـان مفهــومي وكـلامي
فين الحقيقه دا كله خـــيال
فين الحقيقه وبـــلاش دلال
رُد .. وانـا أبئــا عــال العــال
لحـد ما سْـألتني وجَاوبتني
وقربتلي وقولتلي وفهمتني
شوف بئا يا أنا .. 
حطـــم صعبك ..
صـدقني مافيش محال
إرحــم نفسك ..
هتلاقي النجاح والمال
ســيبك .. مـن لعــب العيــال
الغلــط والمعـــوج والشمـــال 
صاحب الجدعان مـن الرجـال
إتغير وغير وإعــدل الأحـــوال
عيش بعملك وأملك والمـوال 
موال أصيل مايعرفش المحال
ولا يهمك ثُـوُر إقتحم الأدغال
شم نسيمها واتمتع بالجمال 
إدرسهـا إقــراهــا إكتبهـا .. وإركـب الأفيال
بطل أكل ولعب وكلام .. عَمّال على بَطّال
خلي كلامك أفعال .. خلي أحلامك شلال
إكـــبر بالرزق الحـــلال ...
يفيض عليك الخير أحمال 
وإفهم الدنيا مش سراب مش خيال
الدنيا حقيقه وواقع على مر الأجيال
إسمع كلامي وحلله ..
ودوس عـلى الأطـــلال
مـن نهـايتــه لأولـــه .. 
وإفهـــم مغزى الأمثال
قبلك كتير سالوني نفس الســؤال
بس للأسف ما نفذوش اللى إتقال
وياعيني عليهم دمعهم أنهار سـال
بحذرك يا أنا ..
من الفشل والندم من القيل والقال
إفهــم وإبعد عن الخطايا والأوحـــال
اعصر نفسك فى الأهوال
بين التلال .. فـوق الجبال
فسر فى دنيتك الأشكال
مـــوت فى حياتك الدجال
كســر أي فـرعــون تمثال
يقهـرك بظلـــم وإستغلال
صدقنى يا أنا ..
حقيقة الدنيــا مش خيال .. بـريئـه .. مـن أي محـــال
صالح نفسك هـدي البال .. بـ ادعيلك ينصلح الحـــال
بفضـل ربـــك ذو الجــلال والإكـــرم الـــولـي المُتعــال
................................
...(( ممـــدوحـــيات ))...