الصندوق الأسود
لسا ما عرفتيش أنا مين 
وادينا من زمان مسلمين
ومعاك الحلم يحضني
كيف السنين
روحى ليك طمى و جسدى نيل
قلبي الأخضر زي الشجر بيميل
بيضلل عليك رغم البعد والأنين
وعمري ماكنت عيل أو جبان 
حقيقتك عندي سلم مش تعبان
وسرك في صدري مش حيبان
صندوق أسود ما تفتحه الأيام
برضه معرفتيش أنا مين
أنا المهوس في عز النهار
بالليل تعويزتي حب وغرام
وخيالي متجسد بصورة إنسان
وحقيقتي من غير سند وبرهان
وهمساتي عايمة ضد التيار
آخرتي دردشة وطيش وإنبهار
برغم دا أنا كلي إصرار
وهشوف ما خلف الستار
صندوق أسود
بقلمي خالد ابوغريب