............................. قلمي عطشان حــبر ...........
..........................................................................
عمري ما كنت قادر
القادر بأيده الآمر
عمري ما كنت فاجر
أحب أعيش حر
وأحاسب علي
الملافظ
وأعشق التواضع
وأكره الكبر
مين يحس بوجعي
مين يلم دمعي
مين يسقي زرعي
وريقي مر
حروفي متبحتره
وسطوري متكسره
وقلمي عطشان حبر
وألمي تاه من الملل
وطريقي بحر
مد وجزر
شمس وقمر
و فين الضل ..؟
ترعة ونهر
وفين البر ..؟
والمشوار صعب
وعيون بتسهر للفجر
وعيون بتبكي قهر
ودموع بقت حجر
وشموع بتقيد غصب
وكل حاجه ليها آخر
إلا ورق الشجر والفكر
.........................................................................
............. كلمات..حسـن الشـوان.... موثقة..........
......................................................................