انا شاعر بالمشاعر
بكتب باحساسى
حياتى هى دايما
قلمى وكراسى
كل حروفى اكتبها صريحه
كلمه ومعنى ودمعه جريحه
كل احساس ساكن فيا
من قسوة احبابى وناسى
لو عايز الحقيقة
ادينى اهو هقولها
بايدى اكتب سطورها
للفرح اهو بغنى
والحب جوا انفاسى
الشاعر بيكتب بقلبه
عن حب مقابلهوش
عاشه باحساسه بس
وهو ما جربهوش
وحاجات كتير نعيشها

والظلمه نور نشوفها
ارسم ليكو فرحه
وانا حزنى شيب راسى
الحب اجمل ما فينا
بيحلى الدنيا لينا
وبرغم جراحه وألمه
لقلوبنا شىء اساسى
مفيش شاعر بيكتب
واحساسه فيه بيكدب
حتى لو حبه ظلمه
بقلمه ليكم يواسى
انا شاعر بالمشاعر
بكتب باحساسى