زمن الرده
قوم يامحمد قوم صوت امتك مكتوم
والظلم صوتوا بيعلي واحنا عمانا النوم
ضمايرنا واخده اجازه رجولتنا ملهاش عازه
عايشين الحياه بلذاذه وكل دقيقه جنازه
لاحمر بقي منه مفيش ويادوب بناكل عيش
ولما الضروره بتحكم الراجل بيعصر خيش
عروبتنا عليها العوض ساكتين وبلعين زلط*
وعشان الضمير انقرض بنشوف الحقيقه غلط
يهود وعايشين فينا احلامهم حتيجي بإيدينا
م النيل للفرات ده خريطه بذنوبنا حتبقي حقيقه
شيعه وإلحاد وكباير وناس ع الحجاب تتحايل
علمائنا اللي كانوا اكابر بقي فيهم كتير بيجامل
معقول دمنا بيتغير راح فين مجد سينا وخيبر
والجندي اللي بحياته فرط وبإيده ارض وطنه اتحرر
عجبي عليك يازمان بتسمي الخسيس انسان
واللي في حياته المبدأ بقي عندك رخيص وجبان
قوم يارسول الله شيل من قلوبنا الآه
دينك اصبح وسيله والكل ماشي بهواه
خلي الضمير يصحي قول للفاروق يرجع
وابو بكر زمن الرده بنعيش علي ذكراه
قوم يارسول الله
زمن الرده شاعركم محد صبري