إنت
أيوه ... إنت
يلى حسنك
حاجة تبهر
يلى رمشك
ريشة تسحر
أنا عارفك
إنت
جميلة ألف ليلة
شهر زاد
كل الحكايات النبيلة
قلبى
راسم ليك
فكرة
بس خايف
يبقى
ذكرى
عايشة ليه حرمان
سنينك
ماسكة ليه دمعة
ف جفونك
ساكتة ليه
والشوق سجينك
بين عيونك
شوفت كلمة
حب
بتنادى بحبك
شوفت صرخة
شوق
محبوسة 
ف مشاعرك
ليه محيرنى بعينيك
دمعة رايحة
وضحكة جاية
قولى آخرة 
حيرتى أيه
أيه جواب
سؤال عينيك
إللى اناعايش عمرى فيه
إنت ليه
جنبى بعيده
إنت ليه
عنى شريده
أنا قلبى
مستنى يسقيك الحنان
أنا حبى ليك
ترنيمة أمان
حلم دافى
يحضنك
أنا من جروحك
بلسمك
مستنى إيه
لما يخرس هجرنا
لغة الزهور
لما عبير العمر
يهرب بالطيور
مستنى إيه
لما خد القلب يطرح
حيرة وألم
لما نبض الحرف
يسكت ويا القلم
والحب اللى كان
نفسه يفرح
يصبح عدم
أنسى المكان 
والزمان
وعيشى دمعتك
ووهم
إللى ساب زمانه
ينجرح
إبراهيم راضى