.........* يا ناس ..!!!! *...........
-----------------------------------------
اللى بيبنى وطن .. محتاج لعزم وصبر
دا اللى بيبنى له بيت.. بيدوق مرار المر
اشحال بناء لوطن... بحجم بر مصر
مش قادرين تصبروا .. سنتين على كام شهر ؟
ألمانيا ويّا اليابان... عاشوا سنين فى الفقر
لكنهم بالعزيمه ..بقوا من ولاة الأمر
ألمانيا أقوى اقتصاد.. فى أوروبا دلوقتى
ودى اليابان م الرخاء .. بتمدّ وبتعطى
بس لكن قبلها... أكلوا يادوب طقّه
وياريت معاها غموس.دا.كان الغموس دُقّه
وشمّروا زندهم.. وقفوا بعزيمه يبنوا
لا يشتكوا من تعب... ولا فى احتجاج يحكوا
عاشوا ف صقيع الثلوج.. واتحمّلوا الأصعب
لحد لمّا بنوا ... مفيش واحد يلعب
ياريت نقلّد .. ونتعلّم بلا مهاترات
وللى لسانه طويل ..يكفّينا بسكات
وعشان بلدنا نضحّى .. مش عشان أشخاص
ونسيبوا كتر الجدل.. صاحب الجدل خبّاص
بإيدينا مش باللسان.. نبنوا ونعلّوا
الخير يعم علينا .. ونأمنوا ف ضلّه
وندعوا من قلبنا ... لجيشنا وقائدنا
وشعبنا فى الوطن .. أولادنا واحفادنا
يارب احمى بلدنا ...نبنوا فى اطمئنان
بحق ما ذكرتها يارب فى القراّن .
..........................( رفعت فايد )*