القرد والسياسة
..........................
لا تقولِّى نخبه ولا سياسه
لامهندسين ولاكرداسه
ولابياعين هوا بيغنوا
راضعين تناحه ف بزازه
أنا اللى دمعى على خدى
وحلمى عايشه ف إزازه
لاتقولى نخبه أنا المطحون
عايش حياتى ف جنازه
لاتقولى نخبه ولاسياسه
أهو كله شلة و هلاسة
والكل كابش بيهبِّش
ويقولوا فهلوه وكياسه
تلاتين سنه داير أولول
حتى الكلام مبقاش عازه
والصبر من صبري اتجمِّل
يانخبه شدِّى الغمَّازه
يابيه سياسي ومتلمَّع
والبدله فُلِّى ومقمع
قاعد تغنى على ( ليلى)
وف الزحمه تهبش وتجمع
يامِت ندم إعلام فاسد
رقص وغناوى ومفاسد
ومحسوبيه وجهل اعمى
ثقافه مايعه ونفَّازه
مذيع وجاهل بيعنعن
بين البشر ملهوش عازه
يابلدي تهت أنا ويَّاكِ
مابين حياتى وحكاياتى
قرود نا تِطجِّن وبتعجن
ويقولوا عنها خبَّازه
سرك القرود لمَّا بيحضر
لاتقولِّى نخبه ولاسياسه
أنا اللى طول عمرى بادوَّر
بين النخب قال عن ساسه
يحسُّوا بينا وبحالنا
لقتها مكلمه ونخاسه
.................................
بقلم / أيمن صبري ذنون أبوعماد . صنصفط . منوف . مصر .