........* سايكس بيكو... بمساعدتنا *..........
-----------------------------------------------------------
يا رب قادر تنجّى الأمّه م التقسيم
أصل المخطط خطير .. شغل عدو لئيم
عاوز يفتت بلادنا .. تبقى ميت حتّه
يسهل قضاؤه عليها.. حتّه ورا حتّه
بدأ بغزو العراق.. بحجج واهيه
وأهلنا اتشرّدوا ..راحوا ف كذا ناحيه
وياريت كمان النواحى الناس فيها اّمنين
دا ف كل ناحيه دمار والناس فيها خايفين
وسوريا شام العروبه النار فيها والعه
والغوطه بعد الخضار.. طرحت رءوس شاطين
وليبيا كان الأمان .. عنوان لشوارعها
دخل شيطان الفراق.. ولّع فى شوارعها
وللى يخلّى الحليم يحتار وعقله حزين
إن ولاد البلاد.. لعدوّهم طايعين
هانت عليهم بلادهم.. بيدمّروا فيها
ويخرّبوا ويحرقوا ويقتلوا الاّمنين
شباب مغيّب يقوده ماسونى صهيونى
وهوّه زى الدمى... بيحرّكوه ملاعين
طب مصر هاجر إليها اخواننا لجل الأمن
إحنا بقى لو هاجرنا.. حنروحوا على فين ؟
إحنا عددنا كبير .. ما حد حيساعنا
يبقى اللى واجب علينا .. نرجموا الشياطين
نطهّروا أرضنا.. من غدّارين خونه
بيخططوا لضربنا .. من سنين وسنين
يا رب وحّد صفوفنا .. واهدى شاردنا
نصيروا أمّه قويّه .. ترفض التقسيم .
 ( رفعت فايد )