لازم منك أتوب
صباح الفل يا اللي
نظرة عينها تخلي
القلب حنين يدوب
أخبارك أيه يا غالية؟
يا ساكنة في القلوب
يا محيرة العقول
يا متوهة الدروب
يا ملهلبة الأحبة
في المشرق و الجنوب
يا جميلة الطباع
يا مذللة الخطوب
يا غنوة كل عاشق
و حياة ربك لتوب
و أنسى العشق و سنينه
و أكون واعظ خطيب
و ألبس توب المهابة
من عشقك راجي أطيب
لو ألف الدنيا كاملة
و أزور مليون طبيب
دا بسببك شوفت ياما
شماتة من العوازل
و مهانة من القريب
و حياتك كنت راضي
و بقول إنك حبيبتي
و إني لقلبك حبيب
و كتبت اسمك قصيدة
و بقيت فرحان طريب
لكن يا مييت خسارة
لقيتك عاشقة غيري
و ضحك مني الغريب
و لما جـــيت أعاتبك
رديتي بدون عواطف
ما تزعلش يا عاشق
ماهو كل شيء نصيب
مـن كلمــات و إلــقاء
الشـــاعر المـــصري
محــــمد العـــــراقي
في 30 / 5 / 2015 م