م الدنيا تاني حكايه
والبنت لسه صغار

الليل سرى ف دمها
زي ما تسري النار

يا ريتها بس وكدا
وينتهي المشوار

إلا اللي راح تسمعه
بكاني ليل ونهار

........................

البنت حبت جدع
رؤياه تسر العين

شرحتله نار حبها
وسمع لها ساعتين

اتواعدوا بكره اللقى
أتاريه طلع ملعون

ضيّع شرفها وهرب
ورماها وسط الطين

الواد ضميره صحي
من بعد ست شهور

راح للبنيه ورجع
زي ما راح مقهور

هربت من المجتمع
من أهلها المساكين

ولا حد عارف لها
مرسى بقالها سنين

ضاعت يا ولدي القمر
فـ دقيقه والمشوار

بين كل دار يا زمن
قاسي كدا وغدار

سمير الشريف