------ استنى---------------
------------------- محمودعمار لزلبانى
لأمتى يا أمى تبقى
الصرخه محبوسه
لامتى الدمعة جوا العيون
تحتار
لامتى الكلام تنخر فيه
السوسه
لامتى الطيور ما تعرف لها ديار
لامتى نشيل الهم والحوسه
النهارده –دم الطفولة
بيدى الارض ميت بوسه
لانتى شوارعنا تبقى كده ضلمه
امتى يا امى نعلق الفوانيس
نجوم الليل هربت ورى الترابيس
لامتى الدم ينداس بقدم
ولد المناجيس
حتى فى ليلة الزفاف
تنعى العروسه عريس
لامتى تتبدل الاحلام كده
كوابيس
شياطين البشر
ملكو يا امى الارض
وشقوا بطن الامان
بالطول والعرض
من غير وضوء يا امى
بدءو يصلو الفرض
خنقوا الاذان ع المأذنة
وخرسوا جرس الكنيسه
ونسيوا ان البلد والتراب لينا
امتى تانى تفرح المينا
امتى نحكى حكاوينا
بعيد عن مصاص الدم
والغوله
وبعيدعن اللى سلخ
وش التراب بالنار
وبعيد عن اللى عاشوا
الليالى نهار
ومهما انضربنا ع الحدود والتل
ومهما شاب الطفل
او حتى الكبير اعتل
او حتى شاخ الصبر
ارجوكى ياامى
استنى
استنى بالتراب تتحنى
استنى صوت الاذان يرجع
ويرن جرس الكنيسة
استنى القمر القديم يضوى
وترجع نجوم الليل
تتزين السما بيها
ياه مصر يا امى
مش عارف لامتى
تبقى الكلمة
ممنوعة
_____________محمودعمار الزلبانى