...........** الله وكيلك

**............
----------------------------------------------
اللى معاه ربّنا.. ما يرهبوش إنسان
ولا جن أحمر.. ولا كائن يكون من كان
وإذا عنايته عيونها عليك وملاحظه
نم فالمخاوف يا مؤمن كلّهن أمان
وان قولت حسبى ووكيلى فى الوجود ربى
الله وكيلك حياتك كلها اطمئنان
ورئيسنا هاجت عليه دول تاريخها اسود
بادوا شعوب ودول.. ما خلّوا فيها إنسان
هنود على أفريقان على بوسنه على أرمن
هيروشيما اّثار دمارها موجوده للاّن
نجازاكى شاهده عليهم.. وغابات فى فيتنام
بورما وقتل العباد.. وحرقهم فى نيران
عراق وقتل الولاد بلا رحمه ولا شفقه
ما سلمش من غدرهم..لا عجوز ولا شيبان
قتلوا عراق الكرم.. وشرّدوا أهله
وحاربوا سوريا العروبه.. وقسّموا السودان
وليبيا فى الغرب كانت اّمنه مطّامنه
دخلوا عليها وشعلوا ف أرضها النيران
ووطن بحاله اتسرق.. ودبّحوا أهله
فى اللد والرمله.. ديرك يا ياسين حزنان
والدمع باكى على فلسطين ما ينشفشى
صبرا وشاتيلا وكانت مجزره ف لبنان
شنقوا رئيس العراق فى العيد أمام الناس
ما شوفنا حد اعترض.. يا حقوق الإنسان !!
الكيل بقى بميت ميزان.. والعدل راح فى التيه
وللى يدوّر عليه.. يقولوا صابه جنان
أهو هما دول اللى وقفوا ضدّ ريسنا
إيه رأيكم يللى ما حيلتكم غير الاّ لسان ؟
زمان زعيمنا جمال قال لنا كلمه :
لو راضيه عنى أميركا .. أبقى مش إنسان
وعشان رئيسنا بطل .. وبيبنى فى وطنه
بقرار ومصرى جرىء.. حاربوه وعابو كمان
وكمان ويا للأسف.. فى بلدنا ناس خايبين
مأيّدين العدو... ضد حامى الأوطان
ريسنا مخلص لبلده.. تشهد له أفعاله
مشاريع عظيمه .. وموجوده فى كل مكان
كفايه انّه حمانا من خراب ودمار
وحكم ارهاب جماعه.. بتقتل الإنسان
اللى يحبّه سوى .. مخلص لأوطانه
وللى بيكره مريض.. حاسد .. فى صدره نيران
لكن ورب العباد.. ما حيقدروا يمسّوه
وكيله ربه اللى حارسه.. من عدو وشيطان .
...................... ( بقلم .. رفعت فايد )*