.............** أهلا بشهر الحبيب **.............
--------------------------------------------------------------
وهلّ شهر الحبيب... شعبان بفضل الله
مليون صلاه وسلام.. على رسول الله
يالله استعدّوا بقى... بتوبه نصوحه لله
أوّلها صفّوا النفوس.. م الحقد على غيركم
والغيره ويّا الحسد.. لكل خلق الله
حبّوا بلدكم وجيشها اللى حمى حماها
دا قال عليه الحبيب .. دا خير جند الله
ادعوا له بالنصر دايما وفى كل وقت صلاه
رب العباد ينصره على كل من عاداه
واصحى تأيّد عدو بيقتل جنود بلدك
بكلمه وللا برأى ... يغضب عليك الله
أو حتى تفرح وتشمت.. فى جنود بلدك
جيش وللا شرطه.. وقاضى من عباد الله
إيّاك تكسّر تخرّب فى أساس بلدك
أو ترمى لك قنبله... تقتل فى خلق الله
اوعى تكفّر فى ناسك..دول أبوك و أخوك
ومؤمنين قبل منّك ..وانت فى علم الله
واصبر دا بلدك جميله.. محتاجه بس اخلاص
حتبقى أحسن بلد.. موجود فى أرض الله
وخلّى بالك.. دى بلدك .. محروسه م الخالق
ما حد يقدر عليها... اقرا التاريخ واوعاه
تدخل فى شهر كريم.. رمضان وفيه رحمات
لو انت قلبك سليم ... يرضى عليك الله
لو انت كاره لناسك.. ومصادق الأعداء
يبقى يا ويلك بقى ... اتلقّى وعد الله
خزى وعذاب وغضب وجحيم نيران حاميه
لكل خاين لوطنه ..ومعادى خلق الله
لا صوم حينفع.. ولا حتى كتير صلوات
من غير ما تخلص لبلدك .. وتحبها فى الله
بالحب نبنى ونعلا .. ونرضى خالقنا
هو الغنى عننا ... اصحوا يا خلق الله .