........................... أنــــا نســـيتك ..................
................................................................
ذي ما خدعتني لقيت اللي يخدعك
ذي ما وجعتني لقيت اللي يوجعك
مفيش حاجه بتعدي وخلاص
كل شيء له معني وحساب
حاسب وما تلعبش بقلوب الناس
ودوقه ذي ما دوقت القلب العذاب
قول أه ومش حتلقا حد يسمعك
ولا اللي خدعته كمان ح يرجعك
القلب حبك أول ما شافك
القلب رسي علي ضفافك
غدرت بيه وما سالتش عليه
وكان بيحب ضلة صفصافك
بقيت تبيع وتشتري فيه
دموع عينيه هانت عليك
ولهفته لما يلمح عينيك
كل ده ما أثرش فيك
ولا كنت مره تراضيه
غدرك خلا حياته مرار
الصحرا أرحم من العمار
والسما بقي لونها أمطار
ولا حد كمان يفكره بيك
ومن تاني يعيش الحياه
وفجاءه يلقاك بتترجاه
ودموعك نازله انهار
وفي عينيك الندم
وكلامك كله ألم
أبتسم لك وقال لك
فاكر لما أترجيتك
وبكل نبضي حبيتك
وكنت بتكدب عليا
وعمرك ما سألت فيا
ولا حسستني مره
أنك مشتاق لعينيا
سهرتني ليالي مره
أرجوك ابعد عني 
خلاص خيبت ظني
مالكش مكان جوايا
وما تقربش تاني مني
ولا تفكر تقول حكايه
خلاص بقولها باخلاص
خلاص بقولها بإحساس
بكره اليوم اللي فيه لقيتك
بكره اليوم اللي فيه ناديتك
ذي ما اترجيتك ....انا نسيتك
وأكره نفسي لو تاني حبيتك
...................................................................
.....كلمات/ حســـن الشــــوان.....موثقة......