)عنوان قصيده)
محتار وعاوز أبتكر
عنوان قصيده
كلمتين أو كلمه واحده
مش مهم
بس المهم تكون فريده
تجمع حروف الابجديه ف قلبها
كلمه واحده بعشروميت جمله مفيده
القصيده والقضيه هى هى
أستفذت كل كلماتى العفيه
راتبت كل الحروف
نظمت كل المعانى سيمفونيه
والعزف على وتر القلوب
والقلوب مدى شراينها ف دروب
والدروب أحلامها فى خيط الغروب
والغروب يفصل ما بين طاهره ولعوب
واللعوب عاوزانى تهلكنى الحروب
والحروب إما مواجهه او هروب
والهروب يهرب فى أنات العيوب
والعيوب
فى اللى راسم فرحته الم البريئ
اللى بايع وحدته فى جوف الطريق
والطريق مسدود باحلام العدم
ولا يفتحوش توبه ولا ينفع ندم
والندم هيفيد بأيه..الندم هيرجع إيه
اللى ضاع منى فى موج البحر
وكان منايا أشتريه
الندم هيرجع إيه
اللى راح منى ف حدودى
واللى ساااال غرق خدودى
واللى يقطف زهره حلوه
كانت الزهره البهيه بين ورودى
واللى رامى حلمه فوق كتافى
يحنى عودى
ينفسه يمحى بقسوته
سلسال جدودى
واما اواجهه بكلمتينى....انصحه
يتهمنى إن أنا خاين عهودى
بس القضيه فى حلمهم هى هى
طوفان من البسمه الرضيه
والتفانى فى بيع بهيه
والتمن مبخوس فى سوقهم
والبضاعه حلم ناس وعقول عفيه
حلم ناس وعقول عفيه تصدهم
شهاب ويسقط م السما على دربهم
حمام بيحمى غيته وبنيته
يجمع بذور الحب فى اون ضحكته
يطهر موج البحر بعد ما لونوه
يبنى حدوده وإيده شابكه ف إيد اخوه
يفرد العود اللى انحنى
غير خطوط المنحنى
يغزى بنوره حامنا .....يضمنا
جوه أحطان امنا
وامنا تعزف ترانيم السلام
تمسح آلام الامتهان
تهمس فى ودنى تشدنى
وعلى اللى عاوزه
ف أول قصيدتى تدلنى
فنوان القصيده
عشق يعصر قلبى عصر
عنوانى
لما افرح معاها فى كل نصر
عنوان قصيدتى هو
....................مصر.............
