ضـِحــكــــة شــهــيــــــد
########
وجعى .بيقلـَع كل حرف
فى جوف حـِشايا
ويطلـَّع الآهة اللى
ساكنة ف ريق همومى
بيشِـدّ من جوفى الكلام
يـِهـتـِك فى سـِتـر اللحم
ويدغـدَغ فىّ العضام
وانت اللى صابرة
وراسية برضـُه ع الحـِراح
بتضـَّفـَّـرى ليل السواد
فى الفجر بـَدرى
وتلملمى حدود المساكـِن
واللى ساكن ..فى القبور
يا نـُص ضـَلمة ..ونـُص نور
يا مكَحـَّلــة
نوح السواقى ف أرض بور
بأنين غيطان كانت خـَضار
يا حـِتـَّـة فيكى للعـُصــاة
والباقى للى يصلـّى عندِك
تحت رجـلـِك
قــا يـــدة نـــار
ملعون دة حب اللى بيشنـُق
فى الوريد
ملعون سماحـِك للى خانـِك
واستباحـِـك
واحنا اللى صايمين ليل جراحـِك
والفطور ضـِحـكـِة شهيد
يا ام الوليد شايـِب
يا مدلـَّعة العايـِب
ومكسـَّرة حـِلم الشباب
الشمس غابت
لما سـِبتى الفجر غاب
واتفتـَّحـِت كل السـِّكـَك
على سكة واحدة للألم
عـَشـِّش فى شمسـِتنا الضباب
ماشيين طابور قبل الميلاد
متكتفـّنين بحبال غرامـِك م العدم
حتى العدم
يا بنت قلب الموجوعين
يا معششة جوة الخلايا فى الجتت
يا ضاربة بـُكرة بالودع
راح كام جـَدع ؟
يا ناسية قلبى اللى اتوجـَع
من يوم ميلادى
مشَقلبانى معذبانى برقـّتـِك
ماشى على دماغى ورجلى مبعتـَرة
يا مرقـَّعـَة دلـَع اللى نازل مـَسخـَرة
لـِسـَّاكى ماسكة فى التاريخ ؟
كفاياكى يا ختى ..منظـَرة
طب خدنا إيه م الأنعـَرة ؟
كفايانا ويـّاكى الرجوع
تعبنا م الـزَّحف لورا
من زحفـِنا عكس المدار
شـُفـت البـِدَع
نشـّفتى ريقى اللى باقى لى
بنار سكوتـِك واتـمـَنـَع
قلبى اتـقـَلـَع
يا سـِتّ قـومى اتكلمى
طب سَمـَّعـيـنــى حتى شِـِتمة
إشتـِمـى
ردى لى روح روحى بكلمة
حرام عليكى ..ساكتة ليه ؟
من إمتى كنتى تسلمى ؟
تستسلمى ؟
ردى .....بطلقات الـغـَضـَـب
لو تقتلينى حتى عـَمـد وبالـغـَلـَط
زعـَلى .. ووجـَعى
خلى عقلى زى سكران بالـعـَبـَـط
شـَلـّيـتـى قلمى من سـُكاتـِك
والدمع الاسود طـَعمـُه ناشـِف
من آهاتـِـك
الآهـة مـِنـَِّـك
تقتل اليوم اللى فاتك
لو كلامى بيجـرَحـِك ؟
أنا باعتذر
بس انت سيبى
قلبى ساكن مطرحك
راح افرغه من كل دمه
لو كان دة يوم
هـيـفـَـرّحـِّـك
ما هو مش أنا
اللى يفكـَّر ابداً يجرحـِك
.........
بـــقـــلــــم ا لـــشـــــــا عــــــــــر
أ بــــو عــــمـــــــا ر ا لــمــــصـــــــــري