ا لـســـَّيــّـــِـدَة
..........
خـِلـصـِت كـِدَة ؟
أيام وكانت حـِلــم
ساكـِن فى الـقـلــوب
مع كل شرايين الـوَجـَـع
مـِتـمـَـدِّدَة
ولبست انا وانتِ 
التوب الحزين
منسوج بخيط قـَهــر السنين
واللون من الدم 
اللى سايـِل ع الطريق
والتوب يا سـَمــرا 
بدون كمام
دراعين شـَقــا
فـَرعين لـنـَهــر من الجـِراح
حاضنين آهاتنا 
وانت عـامـلــة معـَـدِّدة
خـِلصِت خلاص 
والفجر مات من قبل حتى 
ما يـِتـولـِد
والليل بيـِحبـَل
بالسنين السـّود أوى
والحزن أسهل فى الولادة 
م الـفـَـرَح
فـَرحنا .....طول عمره هـِنا
ولادة من غير المَـخاض
ولادة ................ آه 
لكنها مـُتـَعـَسـِّرة
والشمس مولودة 
فى حـَضـَّانة ضلام
طول عمرها قبل الغيام
كات سيدة 
مـِدّى إيدكى 
واقبلى فيـَّا العـَزا
موتى ما هواش شئ غريب
ولا يوم ميلادى مـُعجـِزة
ما انا أصلى واحـِد
زى ميت مليون بـِطـاقـة
مش مهم انى أكون 
أو لا أكون
طول ما الجنازة
ماشية ع الطبلة
نظام وماشى فى الحـِـزا
نفس الحـِــزا
صفين تلاتة أربعة
من يومنا راضعين 
معمـَعـَة
مين فينا كان ورا غيره 
ماشى بالضالين ؟
مين فينا كان الإمـَّعـَـة ؟
مين اللى كان سيد أوى ؟
مين اللى غاوى
لعب دور السيدة ؟
لِمـِّى السـُرادِق واقفلى القرآن 
خلاص
وبلاش تزورى تربتى بعد العزا
دة لو افـتـَكـَرتى 
انّى كنت عليكى حـَىِّ
أو إنى إبنك
ورضـِعت من صـِدرك علم
ألوانه غىّ
وحـَفـَظت من صوتك
أجمل أناشيد الندا
يا سيدة
.............
بـــقــــلـــــــم ا لـــشــــــا عــــــــر 
أ بــــــو عــــمــــــــا ر ا لــــــمـــصــــــــر ى