مظلوم و ظالمني
لو ما سكتش يا قلبي
هازعل منك و أخاصمك !
و مهما تترجاني
مش رح حبيبي أصالحك
و أبعد عنك و أسيبك
و أقسو عليك و أقاطعك
دا أنا يا ما دلعتك
و لا مرة حاسبتك
غلطة إني حبيتك ؟!
و لا قلبي عاتبتك
و لا حتى أتذكر
يوم جيت و زعلتك
و بعد ده كله
ناسي زمان حبي
رافض تعيش جنبي ؟!
و تهمتي عندك
إني يا واد إنسان ؟
في الحب لي صولة
و بالجمال هيمان
و إن النساء عندي
يا حبيبي لها سلطان
و من قلبي يا قلبي
للأنثى كل حنان
لما تعيش جنبي
تشعر أكيد بأمان
ما أنا قلبي للأنثى
يا ظالمني أحلى مكان
طب هي دي تهمة
تخليك كدا زعلان ؟!
و تقول كلام عني
بالقسوة توصفني
و كمان بتظلمني
و تقولي يا قاسي
إني أنا تعبتك
في الحب دخلتك
في العشق بهدلتك
و لا تاني طلعتك
و لا حتى ساعدتك
بذمتك دا كلام ؟!
ما تفوق يا قلبي اصحى
هو في زمانا حبيبي
عيب إني أكون إنسان ؟!
و لا في زمانا يا قلبي
هتلاقي شيء تاني
أرق من النسوان ؟!
من كلمات و إلقاء
الشاعر المصري
محمد العراقي
قي 16 / 5 / 2015 م
