هل سيطول الانتظار ؟؟
ياحجة هينا تشردنا
والنكبة هجرتنا
ومن بﻻدنا ؟؟
اليهود لبعيد رمتنا
حرمتنا اهلنا و جدودنا
وبطانيه الامم تعفشنا
حكولنا
شهرين و منرجع
صاروا سنتين وأكثر
والسنتين عقدين
صاروا و أكثر
وإحنا منستنى أكثر وأكثر
حلينا القضية هم حكولنا
راحت كرامة شعوبنا
والعصابة اليهوديه
مدعومه ومرسومه بريطانية
مندوب الامم الغنية
امر النا بخيمة مهريه
واعطونا كرت المؤن
صرت لاجئ بدون وطن
والقرية صارت قبر
واعطونا رز و طحين 
صرنا نوخذ تومين
ونمشي على كرت التأمين
عليه صورة رب الأسرة
مهجر وبتحسر
اخذوا الوطيات ورمونا
والعرب صارت تشحد
على مصيبة اهلينا
الحل أجى أسمعنا
وامتنا طلبت عودتنا
في الامم المنحلة
ايدوا اغتصابنا
والعرب تركوا بوابها
لما اعترفوا بقيامها
بس الارض معاهم
واحنا ما النا
الا الله وشوية عزيمه 
طالت و منحلت
واجى الخازوق الأكبر
السبعة الستين حلت علينا
واخذور الي باقي لينا
لاجئين كنا
واجا النازحين عنا
كانت ضربة قوية
تشردنا
والجوع قتلنا
وزادت عقدتنا
اليهود هجرتنا 
ومجاوز خوفتنا
وأعترفوا !!
بسرائيل دولة
وباعو القضية
وانا والحجة 
منحكي
قصص خرافيه
راجعين
يوم يما لوطانا
حجه !!
فلسطين 
لعبة قديمة
نسيها الزمان
وباعوها الحكام
وراح ومات الأمل
كان النا
تسعة تسعين بالميه
واليوم النا 
واحد من مية
وراحت هالقضيه
وصارت النكبة ورمونا
وبعدها نكسه وذبحونا
ولسة مفاوض 
ونترجى لنصالح
ونكسب رضا 
الدول المانح
وفلسطين مرميه ؟؟
على الرف منسيه
عمار قدح