قــــــــا نـــو ن تــُــــر بـــة
^^^^^^^^^^^
أنا نفسى ..
أقـلـَّــع جـِسـمــى جـِتـِّتـُـه
وامشى بدون الروح
واطير 
و أهـِــجّ بشـِعــرى
من سـَطــر الأدب للـبــوح
مش لازم اقلـَع.. . الـكـَفـَن
مش لازم اتوضـَّا
لا انا غاوى اخـَلـِّــد 
فى المـَمـات 
ولا الحياة تـِلـزَم
كل الحكاية انى ..
حلمت بثورة الأموات
قررت اشارك 
لو مفيش 
غير بس باقى رُفات
أول ما فـَكـَّرت وطـَلبت
عايز قانون للتـُربة جديد
يظـبـُـط حياة المـَيـّـتـيــن
ويـنـَظـَّــم الأجـــر ..
وينظـَّــم الأجرة
مع إنى 
لا انا سكران 
ولا أنا مسطول
تـِسمـَع منى كلام معبوط
خالى المنطق ..والمعقول
ما انا ميـِّت فيكى بـِالـفـِطـــرة
حتى اما ترد الروح بـُكــرة 
علشان نتحاسِب على حبك
هاطلع أنا 
وكأنى النـَكـِـرة
والموت فى الكـُتــرة 
دة كان سـُتــرة
دلوقتى اما تموت مع غيرك
تتحاسـِب هنا 
على موت موتك
هـَلـِّلــت كتير 
وهـَتـَفــت كتير
ونسيت انا كفنى ال ...مـِتفـَكّك
وما لوهشى زراير ولا سوستة
لملـِمت خطانـُه على شرايطـُه
ونسيت الثورة وجرايرها
وحاولت يا دوب
سـَتــر الـعـَــورة 
بــقـــلـــــم ا لـــشــــــا عـــــــــر 
أ بــــــو عـــمـــــــــا ر ا لــــمــــصـــــــر ى