الكناس
-----------
يا ناس قول لى يا ناس 
سايبينى ليه لعماى 
دا أناشغلتى كناس 
وعيالى برضو معاى 
إتربو ع الإحساس 
من غير ما امد يداى 
ولا عملت خدى مداس 
ولا قولت فى يوم إزاى 
كنت أشترى الكراس 
لإبنى جارى وراى 
وعيونى عليه حراس 
د موالى وهو غُناى
لاعُمره عرف هلاس 
علمته وقولت مُناى 
للعيلة هيبقى أساس 
بنجاحه إتغيرت دنياى 
وعلمته حب الناس 
وحُب الوطن إزاى 
جانى شيطان خناس 
سَمعنى صوت الناى 
وقفل الفرحة بالترباس 
والهم قال لى أنا جاى 
يلا افتحْ لى يا كناس 
وخلى إبنك يبص وراى 
أدى عيلة رافعه الراس 
بالحيلة صَبحوا غناى 
خُد حبة ويا الشاى 
ولّا عاوز تنداس 
فكرت إبنى معاى 
بوظيفته ما نِحتاس 
اتارينى ركبنى العَار 
عشان شغلتى كناس  
محمودعمارالزلبانى