الثوره ف الانعاش ..........
ما قتلتوناش
ولادوستوناش
ولارصاص قناصه جوه عنينا طش
احنا اللي عايزين الادب والشعب مترباش
ازاي علي المخلوع نثور ونقول ما ينفعناش
طب ماهو طول تلاتين سنه ضيعنا ما نصفناش
والفقر والجور والمرض عشش وما تركناش
وكام اراده شعب فينا اتزيفت والشعب عاش
كان يجرا ايه لو كنا نصبر كام سنه نضرب طناش
ولاهم ولاحرق دم لقلب ام علي ابنها اللي خرج مجاش
ازاي نكون ثوار ونقبل نترمي ف احضان فلول ناكل طراش
معقوله طول عمرنا بنحلم بحريه وعداله وعيش كريم والحلم متحققلناش
معقول تقوم ثوره عظيمه وتفضل مصر ف الانعاش
ونلاقي اشرار هما هما اتحكموا الاوباش
واللي سرق من عمرنا تلاتين سنه اخد النهيبه مردهاش
واللي قتل خيره شبابنا ف الميادين لسه واقف وسطنا مطلع لسانه مدراش
وصبح دليل كل الادانه فص ملح وباش
ياكل احرار البشر الحق ليه مرجعلناش
والعدل جوا بلادنا تاه والعداله ما شفنهاش
بالله تقولوا يابشر دا يبقي ايه ولا بلاش
شاعر البرلس/جمال البطاط
قيلت قبل انتخابات الرأسه2012