((معنى الرحيل))
ماتساويش الدنيا عندى ماتساويش
لحظه بين عِندِك وعِندى ماتساويش
كل لحظه عشتها معاك ياغالى
كانت سعاده لقلبى اكبر من خيالى
كل ثانيه من سعاتى ماتتنسيش
ماتساويش الدنيا عندى ماتساويش
*******
ماتساويش وايه يساوى***لو حننسى حُبنا
واللى فى القلب حكاوى***فيها فرحة عمرنا
عِندنا مش راح يداوى***راح يزوّد جرحِنا
فيها إيه لو افترقنا***والوداد يشفع لنا
تنسى فى لحظة زمان***كل حلو بنّا كان
د الجمال ما يتنسيش***ليه نبيع مانشتريش
ماتساويش الدنيا عندى ماتساويش
*******
لو قدرنا كان اتحسم***والامانى الحلوه ماتت
عمرى اللى فات معاكى رسم***صور جميله لعمرى فاتت
اسمعينى واحفظى المعنى الجميل
ريحينى واعرفى معنى الرحيل
مهما مال العِند بيكى***قلبى مش ممكن يميل
لما بتىّوه الحبايب عن دروب الذكريات
كل حلو يبقى غايب والجمال فالقلب مااات
عيشى صينا للاصول***تسعدك ولاتحزنيش
مهما كان الناس تقول***انتى لا متغدريش
ومتساويش الدنيا عندى متساويش
*******
عبدالله ابو النجا